जगभरात शोध सुरु आहेत
कुणाचे?
कशासाठी?
कधीपासून?
कल्पना नाही.
शोध घेतेच आहे मीदेखील
स्वतःचा
स्वतःसाठी
स्वतःपासून...
माझ्यातल्या 'मी’चा
शोध घेतेय मी
कारण म्हणे
माझ्यातला ‘मी’
अनिर्बंध झालाय.
सारेच शोधतायत या ‘मी’ला
त्यांनी म्हणे या ‘मी’साठी
जन्मठेप योजली आहे.
म्हणून म्हटलं
आपणच शोधून काढावं
आपलंच असणं,
आपलेच विचार,
आपलेच स्वातंत्र्य,
आणि करावं बहाल त्यांना...
म्हणजे मला नाही तर
किमान त्यांनातरी
मुक्त श्वास घेता येईल
इथल्या स्वातंत्र्यात...
कोणत्याही टिप्पण्‍या नाहीत:
टिप्पणी पोस्ट करा