बंधुंनो आणि भगिनींनो
हा दिवस मावळत आहे
या मावळत्या दिवसासाठी
दोन मिनिटांचं मौन...
परतणाऱ्या पक्ष्यासाठी
स्थिरावलेल्या पाण्यासाठी
दाटून आलेल्या रात्रीसाठी
दोन मिनिटांचं मौन...
जे आहे त्याच्यासाठी
जे नाही त्याच्यासाठी
जे असू शकलं असतं त्याच्यासाठी
दोन मिनिटांचं मौन...
पडलेल्या टरफलासाठी
झोडपलेल्या गवतासाठी
प्रत्येक योजनेसाठी
प्रत्येक विकासासाठी
दोन मिनिटांचं मौन...
या महान शतकासाठी
महान शतकाच्या
महान उद्दिष्ठांसाठी
महान शब्द
आणि महान वचनांसाठी
दोन मिनिटांचं मौन...
बंधुंनो आणि भगिनींनो
या महान विशेषणासाठी
दोन मिनिटांचं मौन...
मूळ कविता : दो मिनट का मौन
मूळ कवी :
केदारनाथ सिंह
मूळ भाषा : हिंदी
कोणत्याही टिप्पण्‍या नाहीत:
टिप्पणी पोस्ट करा