जेव्हा जेव्हा
भुकेशी लढा द्यायला
कुणी उभा राहतो,
सुंदर दिसू लागतो...
झडप घालणारा गिधाड,
फणा काढलेला नाग,
दोन पायांवर उभी राहून
काट्यामधून लहान लहान पानं खाणारी शेळी,
दबक्या पावलांनी झाडीत चालणारा चित्ता,
झाडावर उलटं लटकून
फळ खाणारा पोपट
की या प्रत्येक ठिकाणी
असायला हवा माणूस?
जेव्हा जेव्हा
भुकेशी लढा द्यायला
कुणी उभा राहतो,
सुंदर दिसू लागतो...
कोणत्याही टिप्पण्या नाहीत:
टिप्पणी पोस्ट करा