किती सूर्य आहेत तुझ्या मनात
किती नद्या आहेत?
किती निर्झर आहेत?
किती पर्वत आहेत तुझ्या देहात
किती गुंफा आहेत?
किती वृक्ष आहेत
किती फळं आहेत तुझ्या ओटीत?
किती पानं आहेत
किती घरटी आहेत तुझ्या आत्म्यात
किती चिमण्या आहेत?
किती मुलं आहेत तुझ्या गर्भात
किती स्वप्न आहेत
किती कथा आहेत तुझ्या स्वप्नांत?
किती युद्ध आहेत
किती प्रेम आहे?
केवळ नाही तर ती मी आहे
अजून आणखी किती व्यापक व्हायचंय मला
किती पक्व व्हायचंय मला
सांग
मी सुद्धा
तुझ्या मुळासह उगवू शकेन?
किती सूर्य आहेत तुझ्या मनात
किती सूर्य?
कोणत्याही टिप्पण्‍या नाहीत:
टिप्पणी पोस्ट करा