जंगलातल्या वाघांना असतं स्वातंत्र्य
आपापल्या हद्दीत का होईना
स्वतंत्रपणे शिकार करण्याचं,
सरावलेले असतात त्यांचे
तीक्ष्ण सुळे अन् दात
आपल्या जिवंत सावजाच्या
मांसाचे लचके तोडण्यात...
आणि तितकंच स्वातंत्र्य
असतं
त्या सावजालाही
अखेरच्या प्रतिकाराचं
त्यासाठी निसर्गानेही दिली
आहेत
कुणाला नखं, कुणाला काटे,
कुणा-कुणाला विषही...
आजचं जग म्हणजे प्राणीसंग्रहालयच
जिकडे तिकडे वाघच वाघ
आपापल्या पिंजऱ्यात
सुस्तावलेले,
अहो मांसाचे लचकेही
आयतेच मिळतात त्यांना
आणि आता अस्तित्वातच नाही
अखेरच्या प्रतिकाराचं
सावजाचं स्वातंत्र्य...
कोणत्याही टिप्पण्‍या नाहीत:
टिप्पणी पोस्ट करा