चमकता वीज
तिच्या प्रकाशात
क्षणभर चमकून जातो
एखादा थेंब
पागोळ्यातून गळणारा...
थेंब पडतो मातीवर
वाहून जातो पाटातून
कौलांना नसते स्मृती
विजेलाही नसते आठवण
थेंब चमकला असतो
हिऱ्याप्रमाणे,
हिरा नसला तरी
चमक असतेच...
चमक असतेच
सागराच्या पाण्यावर
मावळत्या सूर्यकिरणांची,
सूर्यकिरणे नव्हेत
हे तर तेच वर्षाथेंब
विजेच्या प्रकाशात
पागोळ्यातून ओघळलेले...
कोणत्याही टिप्पण्या नाहीत:
टिप्पणी पोस्ट करा