मी पाहतेय
मरताना लोकांना
त्यांच्या जिवंतपणीच,
मला दिसतं त्याचं
आतल्याआत कुढणं
स्वतःशी झगडणं,
मनातल्या भावना
मनात कोंडून
मन मारून जगणं...
व्हायला हवं
त्यांनी संघटीत
द्यायला हवा लढा,
करावा संघर्ष
स्वतःसाठी
येणाऱ्या पिढ्यांसाठी...
मी होते अस्वस्थ
मला वाईटही वाटतं
त्यांच्यासाठी,
आणि तीच लोकं
नाकारत राहतात
त्याचं मृतवत्
जगणं...
कळत नाही मला
ही क्षणाक्षणाला
मरणारी माणसं
फक्त मलाच दिसतात
की.... ???
कोणत्याही टिप्पण्या नाहीत:
टिप्पणी पोस्ट करा