माझे मन एक वाट
कधी सरळ कधी घाट,
कधी ओसाड वावर
कधी रान घनदाट....
माझ्या मनाच्या
वाटेवर
किती खळगे नि खाचा,
मरूस्थळी कोसळावा
जसा मेघ वळीवाचा....
माझ्या मनाच्या वाटेची
काय सांगू कथा?
तिच्या अंतरी कोंडली
माझ्या भविष्याची व्यथा....
माझ्या मनाच्या
वाटेत
किती वळण वळण,
चितेवर जळाव
जसं सरण सरण...
या मनाच्या वाटेचा
अंत कुठे असे?
पापण्यात माझ्या
मनीचा गाव वसे....
कोणत्याही टिप्पण्या नाहीत:
टिप्पणी पोस्ट करा